Top News- Kredi të butë për ‘shtetin’ / 130 mijë punonjës të administratës përfitojnë nga ligji i ri

Të punësuarit në administratën publike do të përfitojnë kredi të butë për strehim. Projektligji i cili po shqyrtohet në Kuvend parashikon subvencion të interesave të kredisë për disa kategori të punësuarish në sektorin shtetëror. I punësuari në administratën publike, që të përfitojë kredi të lehtësuar për strehim, duhet të ketë përfunduar periudhën e provës në institucionin ku është punësuar, të mos ketë banesë në pronësi të tij dhe në emër të secilit prej anëtarëve të familjes apo të banojë në një banesë me sipërfaqe më të vogël se ato të përcaktuara në standardet në fuqi për projektimin e banesave. Kuotat e kredive të reja për kategoritë prioritare të të punësuarve përfitues në administratën publike miratohen çdo vit me vendim të Këshillit të Ministrave.