Gjykata e Apelit Tiranë ka vendosur masën e sigurisë arrest me burg për infermierën e spitalit psikiatrik nr.5 në Tiranë, Elisabeta Bardhollari dhe në arrest shtëpie Orjada Hoxhën. Bardhollari dhe Hoxha u arrestuan rrerth 2 javë më parë, pasi në bashkëpunim me njëra-tjetrën përvetësuan rreth 40 milionë lekë pajisje elektroshtëpiake nëpërmjet mashtrimit. Sipas policisë, Bardhollari ishte e punësuar si infermiere në spitalin nr.5 në Tiranë, ndërsa 32-vjeçarja Hoxha, punonte si shitëse në një subjekt privat që tregtonte pajisje elektroshtëpiake. Bardhollari, infermiere ne spitalin e Tiranës vidhte kartat e identitetit të pacientëve që shkonin për trajtim dhe më pas ia jepte Hoxhës. Kjo e fundit, I përdorte kartat e identitetit për të marrë kredi dhe me ato para blinte pajisje të ndryshme për dyqanin ku punonte. Ky rast mashtrimi u zbulua pas denonciit të një qytetari në polici. Këta dy shtetase i kryenin veprimet në banka të nivelit të dytë, ku fillmisht u identifikua Hoxha ai autore e këtij mashtrimi. Pasi u arrestua ajo pranoi veprimet që kishte kryer përpara policisë.