Shqipëria ka përfituar deri në vitin 2023 nga rritja e moshës mesatare të popullsisë. Pas kësaj periudhe, emigrimi dhe rritja e moshës mesatare vlerësohen nga Banka Europiane për Rindërtim dhe Zhvillim si kërcënim për ekonominë. BERZH prezantoi këtë të martë zyrtarisht raportin e tranzicionit 2025-2026, përmes një konference për shtyp në prani të Guvernatorit të Bankës së Shqipërisë, Gent Sejko. BERZH thotë në raport se plakja e popullsisë frenon zgjerimin e Prodhimit të Brendshëm Bruto me 0.28 për qind çdo vit, teksa shton kostot e prodhimit, rrit çmimet dhe tkurr konsumin në treg. Raporti thotë se edhe nëse trajektorja e lindjeve të reja ndryshon që këtë vit, për të dhënë efektet e saj në ekonomi përmes krahut të punës do të duhen rreth 20 vite. Për këtë arsye, Banka rekomandon politika që frenojnë emigrimin dhe që nxisin rikthimin e atyre që kanë emigruar, sidomos pas pandemisë.