Vendi i lançimit në hapësirë i Rusisë në Kazakistan u dëmtua të enjten pasi një raketë Soyuz u nis me kozmonautë rusë dhe astronaut amerikanë në bord, tha agjencia hapësinore e Moskës Roscosmos. Programi hapësinor i Rusisë, i cili për dekada ka qenë një burim krenarie kombëtare, ka vuajtur për vite me radhë nga një mungesë kronike fondesh dhe skandale korrupsioni. "U identifikuan dëmtime në një numër elementësh të platformës së lançimit," tha Roscosmos në mediat sociale, pasi inspektoi kozmodromin Baikonur në Kazakistan, vendi i vetëm i lançimit të Rusisë për misione me pilot. Ndërsa agjencia po vlerëson gjendjen e platformës së lançimit, ajo tha se "të gjitha pjesët e nevojshme rezervë për riparim janë në dispozicion dhe dëmi do të riparohet në të ardhmen e afërt". Sipas blogerëve rusë, Roscosmos nuk do të jetë në gjendje të kryejë lançime në hapësirë për njëfarë kohe për shkak të aksidentit, duke pretenduar se vendi në Kazakistan u dëmtua rëndë.