Në Kosovë, ka një rënie të lehtë të numrit të të infektuarve me koronavirus. Në 24 orët e fundit, u regjistruan 194 raste të reja pas testimit të 449 kampionëve. Autoritetet thonë se në krahasim me ditët e tjera vihet re një tkurrje e numrit të rasteve, e cila “nuk është e vazhdueshme, por është ditore”. Sipas tyre, numri i përgjithshëm i viktimave ka arritur në 196 – katër nga të cilat të shënuara së fundi. Të hënën, Kosova pati një numër rekord rastesh, por gjatë këtyre dy ditëve ato kanë ardhur në rënie. Nuk dihet megjithatë sesa do të vazhdojë ky trend. Shërbimi Spitalor dhe Klinik Universitar i Kosovës tha se nga të infektuarit me koronavirus, 42 janë në gjendje të rënduar shëndetësore. Është vendosur nderkohe që personeli mjekësor I cili po trajton pacientët me COVID-19, në muajin gusht, përveç pagës mujore do të marrë si kompensim edhe 300 euro të tjera. Ky vendim u mor në mbledhjen e Qeverisë se Kosovës, ku u tha se ndarja e këtyre parave po bëhet për “mbështetjen e personelit që është në vijën e parë të fronit kundër pandemisë”.