Kryetari i Lëvizjes Vetëvendosje, Albin Kurti, nuk do të ketë pjesë e garës zgjedhore të 14 shkurtit. Kurti është në mesin e 47 personave të cilëve Komisioni Qendror I zgjedhjeve në Kosovë u ka ndaluar kandidimin. Arsyeja që e përjashton nga procesi është dënimi që Kurti ka marrë janarin e 2018-tës për dy vepra penale: përdorim të armës apo mjetit të rrezikshëm dhe për pengim të personit zyrtar gjatë kryerjes së detyrës zyrtare, ndërsa në shtator të po atij viti Apeli e la këtë dënim në fuqi. Dënimi lidhet me hedhjen e gazit lotsjellës në Kuvendin e Kosovës në vitin 2015 nga Vetëvendosje, veprim ky që do të lërë jashtë listës zgjedhore edhe figura të tjerë të rëndësishme të kësaj lëvizjeje si Albulena Haxhiu apo Liburn Aliu. Zëdhënësi I KQZ-së, Valmir Elezi sqqaroi se nga 28 subjekte politike, që kanë aplikuar për certifikim për zgjedhjet e parakohshme parlamentare, 15 prej tyre kanë kandidatë, të cilët nuk janë në përputhje me nenin 29 të Ligjit për Zgjedhjet e përgjithshme. Në bazë të këtij ligji kandidat për deputet nuk mund të jetë një person, i cili është shpallur fajtor për vepër penale me një vendim përfundimtar të gjykatës në tre vitet e fundit, dhe gjatw kwsaj periudhe, sic sqaroi Elezi, nw total janë 47 kandidatë nga rreth 1,080, të cilët janë shpallur fajtorë për vepër penale me një vendim përfundimtar gjykate.