Në Kosovë ka nisur vaksinimi kundër gripit sezonal dhe qytetarët po shprehin interes të madh për t’u imunizuar. Ministria e shëndetësisë thotë se ka siguruar 85 mijë doza vaksine. Ismet Mustafa, një pensionist që e merr vaksionën prej 10 vitesh, thotë se ajo e ndihmon të ketë një dimër të shëndetshëm. Mustafa: Vaksinën e marr rregullisht, më ndihmon kundër gripit sezonal “Rregullisht e marrim që 10 vite e më tepër ma merr mendja që po na ndihmon... Na ka ndihmuar nuk kam pasur problem gjatë kohës së dimrit... Iu kisha apeluar të gjithëve, sidomos këta që janë të moshuar që të vijnë dhe të vaksinohen, pasi që është për të mirën e tyre” Ministri i shëndetësisë, Arben Vitia, ka bërë thirrje për marrjen masive të vaksinës ndërsa thotë se këtë vit, vaksinat janë siguruar në kohë rekord për qytetarët e rrezikuar.