Edhe përfaqësues nga Kosova janë solidarizuar të hënën me Top Channel, duke kërkuar drejtësi për Pal Kolën, rojen e sigurisë që humbi jetën në krye të detyrës nga të breshëria e plumbave. Televizioni më i dashur i shqiptarëve ka qënë orët e para të së hënës shënjestër e një sulmi me armë zjarri, pasi 3 persona qëlluan me kallashnikov nga një makinë në lëvizje. Sulmi ndaj Top Channel ka sjellë edhe reagimin e Asociacionit të Gazetarëve të Kosovës të cilët kërkojnë që ngjarja të zbardhet në mënyrë emergjente. Xhemajl Rexha, kryetar i kësaj shoqate, thotë se ky sulm i paprecedentë duhet të shërbejë si këmbanë alarmi.