Ish-presidenti kroat, Stipe Mesiç thotë se agresioni terrorist serb në Banjskë të Zveçanit ishte përgatitur dhe pjesë e saj ishin edhe disa institucionet shtetërore serbe. Këto institucione, thotë ai, pajisën grupin terrorist me armë dhe logjistikën e nevojshme për të ndezur një konflikt të gjerë. Mesiç - Pra, kur një ditë të analizohet dhe ka arsye për të folur për të, nuk ishte ekses, kjo ishte përgatitur dhe në këtë kanë marrë pjesë disa institucione, të cilat mund të sjellin njerëz të armatosur me pajisje, domethënë pajisje për luftë, bomba, me mitraloza të rëndë, automjete të blinduara, kështu që gjithçka ishte përgatitur për një provokim të madh për të ngritur njerëzit nga rrethina, që ata të reagojnë dhe pastaj Serbia të shfaqet si ajo që do të zgjidhë gjërat, dhe në fakt është politika serbe e cila dëshiron të aneksojë një pjesë të Kosovës në territorin e saj.