Rreth 5700 mjekë janë të licencuar në Kosovë por vetëm 4700 prej tyre janë të punësuar në sektorin publik, pjesa tjetër janë të papunë ose të angazhuar në sektorin privat. Të punësuar ose jo, pjesa dërrmuese e tyre, kanë si qëllim të përfshihen në tregun e punës në shtetet jashtë Kosovës. Largimi i mjekëve nga kosova vazhdon prej vitesh dhe alarmi është lëshuar me kohë, pasi me këto ritme, qendrat mjekësore do të gjenden në vështirësi. Sipas Pleurat Sejdiut, nga Oda e Mjekëve të kosovës, vendi, nuk mund të gjenerojë asnjë mjek të ri pesë vitet e ardhshme.