Gjykata e posacme antikorrupsion la në fuqi masën e arrestit në burg edhe për Silvi Shehin, inxhinierin e kompanisë së Vladimir Topit, i cili u arrestua nën akuzën se korruptoi me para sekretaren e ministrisë së shëndetësisë Joana Duron. Rreth një javë më parë, GJKKO la në fuqi vendimin e Shkallës së Parë për Joana Duron dhe zyrtaren e lartë të shërbimeve publike Laura Shteto, të cilat akuzohen për kryerjen e veprës penale korrupsioni pasiv. Në seancën e datës 22 qershor, Duro dhe Shteto kërkuan masë më të butë sigurie, pasi sipas tyre vepra penale për të cilën akuzohen nuk paraqet rrezikshmëri shoqërore, për të qëndruar pas hekurave.