Zyrat e Shërbimit të Jashtëm të Bashkimit Europian në Bruksel, njohur si krahu diplomatik i unionit, si dhe Kolegji i Europës në qytetin e Bryzhit u bastisën nga autoritetet belge me urdhër të Zyrës së Prokurorit Publik Europian. Kontrollet në dy institucionet u ndërmorën paraditen e së martës pas një hetimi që ka nisur mbi dyshimet për mashtrim dhe korrupsion me fondet që Bashkimi Europian jep çdo vit për formimin e diplomatëve të rinj. Zyra e Prokurorit Publik tha përmes një deklarate se hetimet janë përqëndruar te academia diplomatike e BE, një kurs trajnimi 9 mujor për diplomatët e rinj, që në periudhën 2021-2022 iu dha përmes një tenderi Kolegjit të Europës. Autoritetet po hetojnë nëse Shërbimi i Jashtëm i BE ka shkelur barazinë në garë, duke ndarë informacionet e detajuara për tenderin me Kolegjin e Europës para se ky i fundit të shpallej fitues i projektit.