Rritja e numrit të testimeve është shoqëruar edhe me rritjen e numrit të infektimeve. Në harkun kohor të 24 orëve të fundit janë kryer 3512 testime, nga të cilat 876 qytetarë kanë rezultuar pozitiv, shumica e të cilëve në Tiranë. Me gjithë përpjekjet e stafit mjekësor 7 qytetarë e kanë humbur betejën me koronavirusin. Ata janë 4 qytetarë nga Tirana, 1 nga Librazhdi, 1 nga Elbasani dhe një nga Lezha të moshave 57 deri në 87 vjeç. Në 24 orët e fundit janë shëruar 503 qytetarë, duke e çuar numrin e të shëruarve 45,383 që nga fillimi i epidemisë. Aktualisht në 4 spitalet COVID, po trajtohen 280 pacientë, 20 në terapi intensive nga të cilët 7 pacientë janë të intubuar. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të.