Koreja e Veriut bëri të tjera testime raketash. Media shtetërore tha se një kokë e re, e një madhësie të madhe e dizenjuar për raketat strategjike lundruese u testua nga ana e ushtrisë. Koreja e Veriut po ashtu ka testuar edhe raketën e re kundërajrore 'Pyoljji-1-2', tha KCNA, duke shtuar se dy testimet u kryen pasditen e së premtes. Testimet u konfirmuan dhe nga Koreja e Jugut, që njoftoi se detektoi disa raketa lundruese si dhe disa të tjera tokë-ajër të lëshuara nga Pheniani. Autoritetet thanë gjithashtu se po vëzhgojnë me kujdes manovrat ushtarake të Koresë së veriut, ndërsa paralajmëruan ndëshkim nëse do të vijojnë me provokimet në afërsi të kufirit. Testimet sipas analistëve mund të kenë lidhje me luftën në Ukrainë, pasi Koreja e Veriut mund t’I dërgojë ato drejt Rusisë me qëllim që t’I përdorë kundër ushtrisë ukrainase.