Koreja e Veriut ka dërguar ushtarë dhe miliona municione, duke përfshirë edhe raketa balistike, në Rusi gjatë vitit të kaluar, sipas një raporti të ri nga një organ mbikëqyrës ndërkombëtar, i cili detajon shkallën në të cilën Pheniani e ka ndihmuar Moskën të "terrorizojë" popullsinë e Ukrainës gjatë luftës së saj trevjeçare.Raporti u publikua nga Ekipi i Monitorimit të Sanksioneve Shumëpalëshe, një iniciativë e përbërë nga 11 anëtarë të Kombeve të Bashkuara, e formuar pasi Rusia detyroi shpërbërjen e një paneli të mëparshëm të OKB-së që monitoronte zbatimin e sanksioneve kundër Koresë së Veriut.Ndërsa disa nga gjetjet e ekipit janë dokumentuar mirë, siç është dërgimi i trupave nga Koreja e Veriut për të luftuar për Rusinë, raporti paraqet fushëveprimin dhe shkallën tronditëse të armëve të dërguara nga Pheniani që nga fillimi i pushtimit të ukrainës. Kjo përfshin deri në 9 milion predha artilerie dhe municione në vitin 2024; më shumë se 11,000 trupa vitin e kaluar dhe 3,000 trupa të tjera në muajt e parë të këtij viti; raketahedhës, automjete, armë vetëlëvizëse dhe lloje të tjera të artilerisë së rëndë; dhe të paktën 100 raketa balistike "të cilat u lëshuan më pas në Ukrainë për të shkatërruar infrastrukturën civile dhe për të terrorizuar zonat e populluara si Kievi dhe Zaporizhzhia", zbuloi raporti."Këto forma të bashkëpunimit të paligjshëm midis Koresë së Veriut dhe Rusisë kontribuan në aftësinë e Moskës për të rritur sulmet e saj me raketa kundër qyteteve ukrainase, duke përfshirë sulme të shënjestruara kundër infrastrukturës kritike civile", tha raporti.Në këmbim, Rusia i siguroi Koresë së Veriut armë dhe teknologji të ndryshme të vlefshme, duke përfshirë pajisje të mbrojtjes ajrore, raketa kundërajrore, sisteme lufte elektronike dhe naftë të rafinuar, tha raporti.Moska gjithashtu ka ofruar të dhëna për përdorimin e raketave balistike të Phenianit, duke ndihmuar në përmirësimin e performancës së tyre.