Koreja e Veriut lëshoi dy raketa balistike që duket se kanë rënë jashtë zonës ekskluzive ekonomike të Japonisë tha Yasukazu Hamada, Ministrër i Mbrojtjes së Japonisë. Raketa e parë arriti një lartësi prej 50 kilometrash dhe përshkroi një rreze prej 550 kilometrash të gjatë, ndërsa e dyta fluturoi në të njëjtën lartësi dhe përshkroi një distancë prej 600 kilometrash. Duke cituar shefin e shtabit të Koresë së Jugut, agjencia e lajmeve Yonhap njofton se prova u bë në detin midis gadishullit Korean dhe Japonisë. Prova e së mërkurës vjen pothuajse dy javë pasi Koreja e Veriut testoi raketën e saj balistike më të fundit “Hëasong-18”, për të cilën Pheniani tha se ishte një paralajmërim për Shtetet e Bashkuara dhe kundërshtarët e tjerë. Një ditë më parë një nëndetëse amerikane me raketa balistike vizitoi Korenë e Jugut për herë të parë që nga vitet 1980.