Për muaj të tërë, mijëra ushtarë të Koresë së Veriut sulmuan llogore dhe luftuan bashkë me trupat ruse, që përpiqeshin të largonin forcat ukrainase nga territori i tyre. Kur u shfaqën për herë të parë, vjeshtën e kaluar, zyrtarët perëndimorë u shqetësuan, sepse kishin frikë se do t’i godisnin më rëndë trupat ukrainase dhe do t’i detyronin të tërhiqeshin. Por kjo nuk ndodhi. Dhe tani, trupat e Koresë së Veriut raportohet se janë duke u tërhequr nga vijat e frontit. Sipas një raporti të gazetës Neë York Times, arsyeja duket se ka të bëjë me numrin e lartë të viktimave. Një zyrtar i inteligjencës ushtarake të Ukrainës, i cili foli në kushte anonimiteti, tha se trupat koreanoveriore u zhvendosën, në fakt, për shkak të “humbjeve të mëdha”, por shtoi se lëvizja e tyre është një “operacion standard”.