Autoritetet ruse kanë reaguar pas shqetësimeve të ngritura nga komuniteti i Vladivostokut, se punëtorët koerano-veriorë të punësuar atje, po hanë qentë e tyre. Gjatë një video të filmuar nga një zyrtar lokal rus, vërehet se disa punëtorë koreano veriorë të një kantieri ndërtimi, kanë vendosur të ziejnë në një tenxhere, qenin që ruante objektin. Autoritetet ruse kanë siguruar banorët Vladivostok se punëtorët koreano-veriorë nuk i kanë ngrënë qentë. Mediat e huaja shkruajnë se denoncimet kishin nisur me herët nga qytetarët, të cilët shpreheshin në rrjete sociale së kafshët shtëpiake po zhdukeshin në qytetin e largët lindor. Sipas Telegraph, Rusia në mungesë të fuqisë punëtore, ka punësuar fuqi të lirë pune nga vendi i izoluar për dekada. Punëtorët raportohet se janë dërguar për të punuar në miniera, kampe për prerje dhe në kantiere ndërtimi në të gjithë vendin. Mungesa e fuqisë punëtore në Rusi është rritur si rezultat i luftës në Ukrainë, me punëtorët që u futën në ushtri dhe industritë e mbrojtjes. Koreja e Veriut, e cila ka thelluar lidhjet me Kremlinin që nga pushtimi rus i Ukrainës, besohet se ka angazhuar deri në 12,000 trupa për të ndihmuar në luftimin e inkursionit të Kievit në rajonin e Kurskut. Në vitin 2017, OKB-ja i ndaloi vendet të punësonin punëtorë të Koresë së Veriut sipas Rezolutës 2371 të OKB-së. Rusia, anëtare e përhershme e Këshillit të Sigurimit të OKB-së, nënshkroi rezolutën, por supozohet se e ka injoruar atë.