20 vjeçari Kristjan Sterjo, autori i vrasjes së bashkëmoshatarit të tij, Johan Zuko ka shfaqur pendesë para gjykatës, që e la atë në masën e sigurisë arrest me burg. Sipas burimeve brenda gjykatës, 20-vjeçari ka qenë i qetë të gjithë procesit për caktimin e masës së sigurisë. Në përfundim të dëshmisë së tij, Sterjo ka deklaruar se është penduar për atë që ka bërë. Ai ka treguar para gjykatës se mes tij dhe 20 vjeçarit Johan Zuko kishte pasur konflikte edhe më herët, por ka mohuar se kishte shkuar drejt përballjes me qëllimin për ta vrarë. Sterjo akuzohet për vrasjen e Johan Zukos, ngjarje e ndodhur disa ditë më parë në lagjen nr. 14 në Korçë. 20-vjeçari akuzohet për vrasje me paramendim, si dhe për mbajtje pa leje dhe prodhim të armëve, armëve shpërthyese dhe municionit. Dyshohet se krimi ka ndodhur për motive të dobëta.