Prokuroria e Posaçme ka mbyllur hetimet për katër ish-zyrtarë të bashkisë së Tiranës, të cilët dyshohet se kanë abuzuar me tenderat kur kanë qenë në punonjës te ujësjellës kanalizimet. Sipas SPAK, hetimet janë mbyllur dhe dosja i ka kaluar për gjykim GJKKO për Ledia Ramon, Ortjon Dhamin dhe Engjëll Dedjan, akuzuar për kryerjen e vepraës penale “Shkelja e barazisë së pjesëmarrësve në tendera apo ankande publike”, parashikuar nga neni 258, i Kodit Penal. Ndërkohë, biznesmeni Bledar Shemaj është marrë si i akuzuar për kryerjen e veprave penale “Falsifikim i dokumentave” dhe “Falsifikim i vulave, i stampave ose i formularëve”. SPAK thekson se nga hetimet e kryera rezulton se, të pandehurit Ledia Ramo, Ortjon Dhami dhe Engjëll Dedja, punonjës të ujësjellësit të Tiranës, si anëtarë të komisionit të vlerësimit të ofertave kanë ndryshuar kriteret e një tenderi me vlerë 1.4 milionë euro për të favorizuar një kompani të caktuar.