Kanë kaluar vetëm 24 orë, që kur Ilir Meta la përfundimisht postin e Presidentit të Repubklikës së Shqipërisë dhe menjëherë u kthye në bazë, në krye të partisë që ai vetë themeloi 17 vite më parë. Rikthimi i Metës në krye të LSI, solli një frymë të re për aksionin opozitar. Këtë të hënë u zhvillua Konventa Kombëtare e Lëvizjes Socialiste për Integrim, e cila përfundoi me disa ndryshime rrënjësore. Qe prej nisjes së eventit u ndryshuan 2 nene në statuat, duke i dhënë të drejtë vetë ish presidentit të ndryshojë emrin, vulën dhe simbolet e partisë. LSI nga sot, do të njihet me emrin Partia e Lirisë. Këtë gjë e konfirmoi vetë Ilir Meta gjatë fjalës së tij në foltoren e Konventës. Monika Kryemadhi nga ana tjetër, e cila deri më sot ka mbajtur postin drejtues të Lëvizjes Socialiste për Integrim, dha dorëheqjen duke i hapur rrugë bashëkëshortit të saj Ilir Metës për të drejtuar partinë, që ai vetë themeloi në vitin 2004. Ndërkohë, Agim Nesho u caktua nga Komiteti Organizator si zëvëdës kryetar.