Një 43-vjeçar në Bërxullë është vënë në pranga nga Policia e Tiranës për armëmbajtje pa leje. Kapja e tij u bë pas kontrolleve në banesë që policia kreu mbrëmjen e së enjtes, në kuadër të operacionit ‘Risku’, për goditjen e rasteve të armëmbajtjes pa leje si dhe identifikimin dhe ndalimin e shtetasve të cilët dyshohen për përfshirje në ngjarje kriminale. Në banesën e 43-vjeçarit me iniciale J.K u gjet 1 armë zjarri pistoletë, me krehër dhe 7 fishekë, që posedoheshin pa leje. Më pas shërbimet e policisë kanë bërë të mundur sekuestrimin e tyre edhe në cilësinë e provës materiale. Kontrollet dhe verifikimet vijojnë për të kuptuar nëse arma është përdorur në ndonjë ngjarje kriminale apo nëse vet 43 vjecari është përfshirë në krime. Ndërkohë, lidhur me rastin materialet procedurale iu referuan Prokurorisë së Tiranës, për veprime të mëtejshme.