Policia Kufitare e Sarandës, në bashkëpunim me Policinë Rrugore, ka zhvilluar një kontrolle ndaj drejtuesve të mjeteve lundruese që operojnë në Sarandë dhe Ksamil, me fokus përdorimin e alkoolit dhe shkelje të tjera të legjislacionit. Gjatë kontrolleve të kryera pasditen e së shtunës, u evidentuan disa shkelje, për të cilat u vendosën katër masa administrative. Gjobat arrijnë deri në 50 mijë lekë të reja, ndërsa në disa raste është vendosur edhe bllokimi i mjetit lundrues për dy muaj. Sipas Policisë Kufitare, kontrollet do të intensifikohen gjatë sezonit turistik për të garantuar sigurinë e pushuesve në zonat bregdetare të Sarandës dhe Ksamilit. Një nga risitë e këtij sezoni është kontrolli i drejtuesve të mjeteve lundruese edhe për konsumim të pijeve alkoolike, masë që synon rritjen e sigurisë në det.