Policia e Vlorës ka vënë në pranga 30-vjeçarin, Klevi Kananaj, i dyshuar si anëtar i grupit kriminal që trafikoi rreth 83 kg kokainë të fshehur në një kontenier. Ai rezultonte i shpallur në kërkim nga autoritetet spanjolle, teksa sasia e drogës u sekuestrua më 5 shkurt të këtij viti në portin e Vigos në Spanjë, ndërsa në vendngjarje u arrestuan edhe dy persona të tjerë gjatë tentativës për të nxjerrë ngarkesën. Hetimet tregojnë se roli i Kananajt ka qenë vëzhgimi i kontejnerit nga jashtë terminalit. Pas operacionit, ai është larguar fillimisht drejt Katalonjës dhe më pas në Itali. Arrestimi i tij në Vlorë u bë pas shkëmbimit të informacionit mes autoriteteve shqiptare dhe atyre spanjolle. Ndaj 30-vjeçarit ishte lëshuar urdhër arresti nga drejtësia spanjolle më 3 mars 2026 për trafikim të lëndëve narkotike.