Nëse kardinalët nuk do ta kenë zgjedhur Papën e ri deri ditën e tretë të konklavës së javës së ardhshme, atëherë gjërat nuk do të shkojnë sipas planit. Konklavat e shkurtra, të përfunduara brenda disa ditësh, projektojnë një imazh uniteti, dhe gjëja e fundit që kardinalët me rroba të kuqe duan është që të japin përshtypjen se janë të ndarë dhe Kisha është lënë pas dore pas vdekjes së Papa Françeskut muajin e kaluar. "Maksimumi tre ditë," parashikon kardinali nga el salvadori Gregorio Rosa Chavez para votimit të fshehtë që do të fillojë në Kapelën Sistine më 7 maj. Gjatësia mesatare e 10 konklavave të fundit ishte 3.2 ditë dhe asnjëra nuk zgjati më shumë se pesë ditë. Dy zgjedhjet e fundit, në 2005 kur u zgjodh Papa Benedikti dhe në vitin 2013 kur doli Françesku – u mbyllën në vetëm dy ditë. Konklava zhvillohet në aq raunde votimi sa të jetë e nevojshme derisa një kandidat të marrë shumicën prej dy të tretash të votave, duke bërë që tymi i bardhë të dalë nga oxhaku mbi kapelën sistine për ti treguar botës se papa i ri është zgjedhur.