Kongresi i Jashtëzakonshëm pritet të mbledhë gjithë anëtarët e strukturave përbërëse të Partisë Socialiste, duke filluar që nga organizatat e deri tek nivelet më të larta organizative, pasditen e kësaj të shtune. Sekretari i Përgjithshëm, Taulant Balla, në prononcimin e tij nga selia rozë, nënvizoi se kjo ditë do të luajë një rol kyç për të vendosur pikat mbi “i” lidhur me mandatin e tretë të qeverisë Rama, si dhe nuk nguroi të shprehte ambicien për një mandat të katërt të socialistëve.