Presidenti i Turqisë, Recep Tayyip Erdogan do të vizitojë Azerbajxhanin më 9 dhe 10 dhjetor, tha zyra e tij të enjten. Ankaraja i ka ofruar njw mbështetje të fuqishme Azerbajxhanit, gjatë luftës disa javore me Armeninë, për rajonin e Nagorni Karabakut. Lufta përfundoi ne 10 nëntor, pasi u arrit një marrëveshje armëpushimi, të cilët e ndërmjetësoi Rusia. Vizita e planifikuar e Erdoganit është e para nga një president i huaj në Baku, që nga fillimi i armëpushimit. Në bazë të marrëveshjes, armenët etnikë u tërhoqën nga pjesë të mëdha të rajonit të kontestuar të Azerbajxhanit. Erdogan gjithashtu do të marrë pjesë në një paradë të madhe ushtarake në Baku, të enjten e ardhshme, kur do të festohet "Fitorja e Karabakut". Ankaraja njoftoi me heret se Turqia dhe Rusia kanë rënë dakord për të monitoruar armëpushimin nga një qendër e përbashkët paqeruajtëse. Muajin e kaluar, parlamenti turk votoi për vendosjen e një misioni pwr ngritjen e njw qendre me Rusinw. Qendra do të krijohet në një zonë që do të përcaktohet nga Azerbajxhani. Moska ka theksuar vazhdimisht se Turqia nuk duhet të ketë trupa në terren.