Konflikti për një automjet dyshohet se është shkaku i plagosjes me armë zjarri të Juxhin Hamajezit mbrëmjen e së martës në zonën e Kinostudios në Tiranë. Policia e kryeqytetit ka identifikuar tre persona, autorin Klodian Kallo 31 vheç, si dhe dy bashkëpunëtorët, Gjergji Lleshi dhe Lulzim Mejdani. Të tre janë shpallur në kërkim, ndërsa është sekestruar 1 automjet i cili është përdorur në vendngjarje. 34 vjecari Juxhin Hamajezi është në kujdesin e mjekëve dhe jashtë rrezikut për jetën. Plagosja ndodhi në lokalin e tij në rrugen aleksandër moisiu, ku pas sherrit autori e qëlloi në këmbë. Gjatë marrjes së deklarimeve paraprake Hamajezi nuk ka qenë shumë bashkëpunues me policinë, duke mos treguar detaje për ngjarjen. Emri i Juxhin Hamajezit rezulton i njohur për policinë. Në vitin 2018 ai i ka shpëtuar një atentati po në zonën e Kinostudios, ku ka mbetur i plagosur së bashku me vëllanë e tij. Rezulton i arrestuar edhe për trafikim klandestinësb. Ndërkohë që vijojnë hetimet materialet procedurale iu referuan Prokurorisë së Tiranës