Ushtria izraelite të martën konfirmoi vdekjen e një ushtareje që ishte marrë peng në Gaza pasi hamasi shpërndau më herët një video të saj, ende e gjallë, pasuar me imazhe që grupi palestinez tha se ishte trupi i saj pasi u vra në një sulm izraelit. Duket se kjo është hera e parë që izraeli konfirmon një pretendim të tillë të bërë nga hamasi, që në të shkuarën ka thënë se dhjetëra nga pengjet e marra pas sulmit të 7 tetorit, në fshatrat kufitarë të izraelit dhe bazat e ushtrisë, janë vrarë ose janë zhdukur për shkak të sulmeve mbi gaza. Në videon e hamasit, të ndarë në mediat sociale të hënën, noa Marciano identifikonte veten në kamera dhe thoshte se ajo ishte mbajtur në gaza prej katër ditësh, cka tregon se videoja është filmuar më 11 tetor. Videoja më pas tregon foto të trupit të një të reje me pamje të ngjashme, të shtrirë dhe me sytë e mbyllur, mbi një pellg gjaku. Një imazh më nga afër tregonte një plagë në kokë. Me titra shkruhej se Marciano, 19 vjec, ishte vrarë në një sulm ajror nga armiqtë zionistë të enjten e kaluar. Deklarata e ushtrisë nuk komentonte rrethanat e vdekjes së marcianos por e cilësonte atë si një fatalitet në duart e një organizate terroriste. Deklarata nënvizonte se ajo kishte shërbyer në trupat e mbrojtjes kufitare.