Një komplot për të vrarë Papa Françeskun gjatë një udhëtimi të tij në Irak u pengua pas një informacioni nga inteligjenca britanike, sipas një autobiografie të atit të shenjtë që do të publikohet së shpejti. Papa shkruan se, pasi zbriti në Bagdad në mars 2021, atij iu tha se një ngjarje në të cilën ai do të merrte pjesë ishte vënë në shënjestër nga dy sulmues kamikazë. Të dy sulmuesit u kapën dhe u vranë më pas, thotë Papa në pjesët e biografisë të botuara nga gazeta italiane Corriere della Sera. Vizita, e cila u zhvillua në tre ditë gjatë pandemisë së koronavirusit, ishte e para në Irak nga një papë dhe u shoqërua me një operacion intensiv sigurie. Vitet e mëparshme kishin parë dhunë sektare në rritje në Irak, me luftime mes myslimanëve shiitë dhe sunitë, si dhe persekutimin e pakicave fetare.