Nga pritja e organizuar për anëtarët e Komiteti Olimpik Mesdhetar, I cili për herë të parë zhvillon mbledhjen e Bordit në Shqipëri, kryeministri Edi Rama vlerësoi vendimin për mbajtjen e Lojërave Olimpike Mesdhetare në Prishtinë e Durrës. Sipas Ramës, Shqipëria mbështet Kosovën në kandidaturën e saj. 'Ne jemi të angazhuar të mbështesim Kosovën, kandidaturën e saj për Lojërat Mesdhetare të vitit 2030 dhe siç u informova edhe nga presidenti i kësaj organizate në lojërat e para olimpike që do të ndodhin nëpër vende, në Prishtinë dhe Durrës do të jemi të gjithë krenar për vendimin që është marrë edhe e di që ky vendim nuk ka qenë shumë i lehtë për juve, por ju merrni vendime si njerëz të sportit, sepse nëse do të ishit njerëz të politikës, nuk do të ishte kaq e lehtë ta merrnit këtë vendim.’ Po ashtu Rama teksa theksoi mbështetjen e tij për sportin dhe rininë, shtoi se në këtë drejtim do të shtohen disiplina të reja në shkolla. Sipas Ramës janë më shumë se 10 mijë të rinj të organizuar në shkolla me sportet e basketbollit dhe volejbollit.