Presidenti ukrainas, Volodimir Zelenski, krijoi trendin duke hequr kostumin e duke veshur bluzat me ngjyrë kaki, ushtarake, cdo ditë, që nga 24 shkurti. E në këto tetë muaj luftë, njerëzit e tij, e kanë kopjuar atë...Edhe civilëtr nga zonat larg vijave të frontit kanë përvetësuar kodin kaki të veshjes së presidentit, që është kthyer në armë komunikimi. Si shef i ushtrisë së ukrainës, Zelenski mund të veshë uniformën ushtarake kombëtare, por ai i këmbeu kostumet serioze me kostume civile më të lirshme, por me tone ushtarake. Që nga dita e parë e luftës, ai ka veshur bluza ngjyrë ulliri, duke treguar bicepsin e tij, ndërsa në ditët e ftohta ka veshur edhe një xhup ngjyrë kaki, bashkë me pantallonat dhe atletet në të njëjtin tonalitet. “Dhe këto, janë atlete shumë të lira, cka sinjalizojnë thjeshtësinë”, thotë Tania Solovei, një kërkuese mode dhe ish gazetare e revistës Vogue.