Kombëtarja shqiptare arriti të kualifikohej në fazën finale të një Evropiani për herë të dytë në historinë e saj teksa preu biletën për në kompeticionin e këtij viti që do të mbahet në Gjermani. Paraqitja e shkëlqyer e kuqezinjve në fazën kualifikuese teksa fituan grupin e tyre, ka tërhequr vëmendjen e shumë mediave dhe mes tyre edhe rrjeti prestigjioz BBC që i ka kushtuar një vëmendje të vecantë trajnerit të Kombëtares Sylvinho me të cilin ka realizuar edhe një intervistë. Tekniku brazilian tregon për rrjetin prestigjioz BBC si nisi punën e tij në stolin kuqezi teksa së bashku me asistentët e tij vëzhguan 240 video ndeshjesh deri sa formuan skuadrën për kualifikueset që Kombëtarja i nisi me humbjen ndaj Polonisë, por më pas ajo nuk gaboi më dhe në fund fitoi grupin me Sylvinhon që fitoi edhe statusin e heroit. Sinkron Sylvinho 2: Banoj në një hotel që është rreth 2 km larg selisë së Federatës, kështu që ndonjëherë kthehem duke shëtitur në një park të bukur dhe takoj fansa. Ata zakonisht vijnë te unë dhe më thonë; Respekte Mister’. Në Evropianin e Gjermanisë, Kombëtarja është në atë që konsiderohet Grupi i Hekurt i kompeticionit me Italinë, Spanjën dhe Kroacine Sinkron Sylvinho 3: Nuk do të shkojmë për t’u argëtuar. Nuk e kemi kryer ende punën tonë dhe nëse do të kemi ndonjë shans për të kaluar grupin, do të luftojmë për të në të njëjtën mënyrë sic bëmë në kualifikuese