Zyrtari i lartë rus i sigurisë, Dmitry Medvedev, tha të premten se komandanti i ri i ushtrisë ukrainase, i lindur në rusi, është një tradhëtar, ndërsa Kremlini tha se emërimi nuk do të ndryshojë rezultatin e asaj që rusia e quan, operacion special ushtarak në ukrainë. Zyrtarët rusë i bënë komentet pasi presidenti ukrainas, Volodimir Zelenski, zëvendësoi shefin shumë popullor të ushtrisë së tij, me komandantin e forcave tokësore, të enjten, një lëvizje kjo shumë e guximshme në një kohë kur forcat ruse duket se po fitojnë terren në front. Zelenzki zëvendësoi komandantin e deritanishëm të forcave të armatosura, Gjeneralin Valeri Zaluzhni, me kolonel-gjeneralin Oleksandr Syrskyi, 58 vjec. Ky i fundit ka lindur në korrik 1965, në rajonin rus Vladimir, që ka qenë pjesë e bashkimit sovjetik. Si shumë pjesëtarë të tjerë të forcave të armatosura të ukrainës, të moshës së tij, ai ka studiuar në moskë, në shkollën e komandës së lartë ushtarake, mes atyre që i ka patur përballë në anën ruse të frontit gjatë kësaj lufte. Syrskyi ka shërbyer për pesë vjet në trupat sovjetike të artilerisë dhe ka jetuar në ukrainë që nga vitet 1980. Dmitry Medvedev, një ish president që tani është zëvendës kryetar i këshillit rus të sigurisë, e akuzoi Syrskyin, që nuk ka shërbyer në ushtrinë ruse pas shpërbërjes së bashkimit sovjetik, që ka shkelur betimin e tij si oficer. “Duke parë biografinë e kryekomandantit të ri të forcave të armatosura ukrainase, mund të ndjesh urrejtje, përbuzje dhe neveri”, shkruante Medvedev në kanalin e tij zyrtar në telegram. “Përbuzje për një njeri që ka qenë oficer sovjetik rus, por që u bë një tradhëtar që shkeli betimin e tij dhe i shërben nazistëve”, vijoi medvedev. Ndarazi, Kremlini tha se nuk besonte se një ndryshim në krye të lidershipit ukrainas do të ndryshonte rezultatin e konfliktit. Në një bisedë me gazetarët, zëdhënësi i kremlinit, dmitry peskov tha se nuk mendonte se këta janë faktorë që mund të ndryshojnë kursin e operacionit të posacëm ushtarak në ukrainë.