Sekretari amerikan i Shtetit, Marco Rubio, zhvilloi një takim me Papa Leonin XIV në Vatikan, në një vizitë që vjen pas tensioneve dhe përplasjeve të fundit mes Presidentit amerikan Donald Trump dhe Selisë së Shenjtë. Takimi zgjati rreth dy orë e gjysmë dhe u zhvillua në Pallatin Apostolik, ndërsa më pas Rubio u takua edhe me Sekretarin e Shtetit të Vatikanit, kardinalin Pietro Parolin. Papa Leoni kohët e fundit është gjendur mes kritikave nga Donald Trump për shkak të luftës në Iran. Të hënën, Trump tha se Papa besonte se ishte në rregull që Irani të pajisej me armë bërthamore, një pretendim që Ati i Shenjtë e hodhi poshtë. Në një moment kur administrata Trump kërkon të shmangë humbjen e mbështetjes te katolikët amerikanë.një nga objektivat kryesore të vizitës së Rubios në Romë është përmirësimi i marrëdhënieve me Vatikanin.