Këngëtari kryesor i fituesve të Eurovizionit, grupit italian Maneskin, ka thënë se ai ndjehet me të vërtetë i fyer pasi shikuesit mendonin se e kishin parë duke bërë një lëvizje të dyshimtë, që dukej sikur po thithte kokainë, live në TV, dhe se do të bëjë një test droge brenda pak orësh. Damiano David u pa gjatë mbrëmjes së të shtunës, në finalen e eurovizionit, duke u përkulur drejt një tavoline, cka u interpretua nga shumëkush si një lëvizje për të thithur kokainë me hundë. Por vetë Damiano e ka hedhur poshtë idenë se ai ka përdorur kokainë në finale duke thënë se Tomas Raggi, kitaristi i grupit, thjeshtë kishte thyer një gotë në dhomën e gjelbër. “Ne jemi të rinj me një pasion të madh për muzikën dhe e gjithë kjo zhurmë duket se po lë në hije fitoren tonë. Ne do të bëjmë testin e drogës për ti dhënë fund të gjithë spekulimeve. Unë ndjehem me të vërtetë i ofenduar”, tha ai. Maneskin fitoi vendin e parë në eurovizion me këngën Zitti e buoni, duke marrë 524 pikë, e duke lënë pas kështu francezen Vuala të Barbara Pravit dhe këngën e shqiptarit Gjon’s Tears, që konkuronte në emër të zvicrës, që doli e treta.