Një familje shqiptare është dënuar me disa vite burg në Britaninë e Madhe, pasi u përfshi në një rrjet të organizuar të shpërndarjes së kokainës, ku porositë menaxhoheshin përmes aplikacionit ËhatsApp. Në qendër të këtij aktiviteti ishte Rezart Balesi, 44 vjeç, i cili u dënua me 7 vjet e 6 muaj burg. Djali i tij, Joshua Balesi, 22 vjeç, u dënua me 4 vjet burg, ndërsa i vëllai, Refail Balesi, 39 vjeç, mori një dënim prej 5 vjetësh e 3 muajsh. Vendimi u dha nga Gjykata e Manchester, pas një hetimi të gjatë të autoriteteve britanike. Sipas prokurorisë, Rezart Balesi përdorte një biznes në zone bazë për aktivitetin kriminal, ndërsa djali dhe vëllai i tij merreshin me menaxhimin e porosive të kokainës përmes ËhatsApp-it. Hetimet zbuluan se rrjeti kishte kapacitet të gjeneronte deri në 9 mijë paund fitime brenda një nate. Aktiviteti për shpërndarjen e drogës dyshohet se ka funksionuar nga maji i vitit 2024 deri në mars të vitit 2026.