Ariel Rraja ka rënë në prangat e policisë, pasi i është konstatuar në automjet lënda narkotike e dyshuar kokainë dhe shuma të ndryshme parash. Bëhet me dije se forcat e policisë i kanë sekuestruar në cilësinë e provës materiale, lëndën narkotike, paratë si dhe automjetin me të cilin lëvizte. 22 vjeçari nga Nikla e Krujës, është nipi i ish deputetit Rrahman Rraja. Ndërkohë rezulton se është djali i Flamur Rrajës. Ky i fundit është një nga autorët e dhunës brutale ndaj Bilbil e Jashar Majës për guroren në fshatin Borizanë në korrik të këtij viti. Dy kushërinjtë Bilbil dhe Jashar Maja, ishin ankuar se shpërthimet gjatë punimeve në gurore, po u shkatërronin banesat e tyre por dhe të zonës përreth. Ata ranë pre e dhunës barbare, teksa ishin në lokal me inxhinierin e gurores për t’i kërkuar që shpërthimet të ishin më të kontrolluara.