Selim Çekaj, 72-vjeçari i cili u arrestua, pasi në kontenierët e kompanisë së tij u gjetën 49 kg kokainë në Portin e Durrësit është lënë nën masën e sigurisë arrest me burg. Vetë ai u ka thënë gjyqtarëve se kishte porositur vetëm banane. Selim Çekaj akuzohet për trafik ndërkombëtar të lëndëve narkotike. Avokati i Selim Çekajt, Neshat Fana e ka quajtur skandaloz vendimin e gjykatës për të lënë në burg klientin e tij. Duke hedhur dyshime për këtë fakt, avokati thotë se kapet ky rast për t’i hapur rrugë kompanive të tjera, që bashlëpunojnë me mafian ndërkombëtare. Ndërkohë, Arbër Çekaj ka reaguar për herë të parë për arrestimin e babait të tij në 1 prill, pasi Policia gjeti dhe sekuestroi 49 kilogramë kokainë në portin e Durrësit, të fshehura në ngarkesën me banane që vinte nga Ekuadori për llogari të firmës së Çekajt në Maminas. Arbër Çekaj hedh akuza se po i masakrohet familja dhe ngre dyshimin për eksizstencën e një klani që kërkon të përfshijë familjen e tij në trafik. Këto deklarata Çekaj i ka bërë gjatë seancës në gjykatën e posacme të apelit për ankimimin e vendimit të shkallës të pare që e dënoi me 14 vjet heqje lirie