Prokuroria e Posaçme ka kërkuar 120 vite burg për grupin e strukturuar kriminal të akuzuar për ngritjen e laboratorit të kokainës në Fier dhe trafikun e të paktën 485 kilogramëve kokainë. SPAK kërkon nga 18 vite burg për Klajdi Kodran, njohur edhe me mbiemrin Vrioni dhe Denilson Çervanakun, që gjatë hetimeve të prokurorisë së posaçme rezultojnë si drejtuesit e grupit të trafikut. 16 vite burg është kërkuar për Viktor Çervanakun, 15 vite për Redion Meshin dhe Zenel Çervanakun, 12 vite për Marildo Ronan, 12 vite e gjashtë muaj burg për Bledar Matoshin dhe dy vite burg për Julian Malajn, ky i fundit i akuzuar vetëm për moskallëzim krimi. Me përjashtim të Malajt, të nëntë të akuzuarit e tjerë përballen me akuzat e trafikut të drogës, grupit të strukturuar kriminal dhe armëmbajtje pa leje.