Evropa duhet të "marrë përgjegjësinë" për sigurinë e saj, u tha Polonia vendeve anëtare të BE-së, ndërsa Varshava mori presidencën e rradhës të bllokut në një kohë të pasigurisë gjeopolitike në rritje. Polonia ka filluar presidencën e saj gjashtëmujore ndërsa Donald Trump përgatitet të kthehet në Shtëpinë e Bardhë, duke premtuar se do t'i japë fund me negociata luftës së Rusisë në Ukrainë dhe kërcënoi se do të pushtonte Grenlandën duke përdorur forcën ushtarake. "Ekziston ndërgjegjësimi mes vendeve evropiane se muajt e ardhshëm do të jenë një kohë shumë e vështirë ... Kjo është arsyeja pse ne mendojmë se ky moment i veçantë është koha e duhur për të thënë me zë të lartë se është koha për të marrë përgjegjësinë për të ardhmen tonë dhe sigurinë tonë," tha Polonia. Ministri polak për Evropën, Adam Szłapka, tha në një intervistë për the Guardian se siguria është dicka për të cilën duhet të mendojmë cdo ditë. “Nuk flas vetëm për forcimin e aftësive tona të industrisë së mbrojtjes por edhe për sigurinë e brendshme, për sigurinë energjetike dhe sigurinë ekonomike”, tha ai.