Mosdekretimi nga presidenti Meta i Kodit Zgjedhor ka marrë një përgjigje nga kryeministri Rama, pas takimit të këtij të fundit me drejtuesit politikë të Partisë Socialiste. Ashtu si cdo të hënë, kryeministri dhe kreu i PS, Edi Rama ka mbledhur në selinë rozë drejtuesit politikë në qarqe dhe shtabet elektorale. Drejtuesit politikë raportuan mbi ecurinë e përgatitjes së zgjedhjeve. Konkretisht në mbledhjen e kësaj të hëne u diskutuar pjesëmarrja e anëtarësisë në vlerësimin e deputetëve nëpërmjet portalit “deputeti që duam”. Partia Socialiste ka nisur një proces sa i përket vlerësimit të deputetëve. Pas përfundimit të këtij procesi, PS do të hartojë edhe listën përfundimtare të kandidatëve për deputetë. Më herët, kryeministri Edi Rama ka bërë të qartë se në listë nuk do të jenë vetëm kandidatët aktualë, por lista do të jetë e hapur për këdo.