Përfaqësuesi i Partisë Socialiste në Këshillin Politik, Damian Gjiknuri u është përgjigjur argumenteve të parashtruara nga përfaqësuesit e opozitës jashtëparlamentare, Oerd Bylykbashi dhe Petrit Vasili, duke shpjeguar të gjitha teknikalitetet dhe pretendimet e palëve para dhe pas marrëveveshjes së 5 qershorit. Gjiknuri në përgjigjen e tij bën të ditur se do t’ia përcjellë Komisionit të Ligjeve materialin e dërguar nga opozita dhe shpreson që argumentet e tyre do të bëhen pjesë e debatit procedurial, i cili ka nisur dhe pritet të përfundojë në komision brenda datës 30 Shtator 2020, ndërsa kërkon një mbledhje të këshillit politik në 1 tetor. Përfaqësuesi i PS në Këshillin Politik shkruan se gjatë debatit të fund Korrikut për amendamentet kushtetuese, qendrimi zyrtar i PD & LSI ka qenë se amendamentet kushtetuese ndalonin koalicionet, se ky ndalim vinte në kundërshtim flagrant me marrëveshjen e 5 Qershorit dhe prandaj amendamentet kushtetuese nuk duhet të miratoheshin në atë kohë. Përpjekja juaj dështoi dhe sot ju e pranoni zyrtarisht se amendamentet kushtetuese nuk i ndalonin koalicionet. Por sot, ju keni nisur një betejë për të penguar miratimin e amendamenteve zbatuese të Kodit Zgjedhor.” ka thënë Gjiknuri. Duke folur për bllokime të qëllimshme, Gjiknuri thotë se ky është një qendrim politik i pritshëm dhe coherent dhe vë në dukje se është keqpërdorur nga opozita nevoja për konsensus, duke abuzuar me rregullat e vendosura nga marrëveshjet politike.