Kryetari i Partisë Demokratike, Lulzim Basha reagon për herë të parë dhe publikisht mbi ndryshimet e Kodit Zgjedhor. Kryedemokrati Basha dha qëndrimin e tij gjatë një takimi me bizneset, komentoi ndryshimet kushtetuese të Kodit Zgjedhor. Do kontestohet çdo hap antikushtetues si ky i sotmi që është në kundërshtim me 5 qershorin dhe standardet e OSBE, por s’ka formulë që e shpëton këtë bandë që e cilëson Shqipërinë si çifligun e saj. Ju lus mbajeni mendjen tek ekonomia, te shqiptarët që sot do e shtrojnë vaktin e radhës vetëm me bukë. Kjo është emergjenca kombëtare, hajdutët s’ka gjë që i shpëton” Duke akuzuar Qeverinë dhe kryeministrin Rama, Basha tha se zgjedhjet e pranverës së vitit 2021 do të jenë ndëshkimi për premtimet e pambajtura. "Shkatërrimi i institucioneve të Shqipërisë është arsyeja pse kjo bandë e ka katandisur kështu vendin. Hapat që merren sot janë thellësisht antikushtetues. Analizën e kanë bërë ekspertët e PD, por ky është tmerri dhe frika e Ramës nga procesi zgjedhor. S’ka formulë që e shpëton nga votimi popullor sikur vetëm nga premtimet e pa mbajtura ai do largohet me votë plebishitare nga shqiptarët.