Muzgu sjell një urgjencë për t'u fshehur në errësirës. Njësia e dronëve "Code 9.2", nga brigada e 92-të e sulmit, lëviz në një pozicion të ri nga ku do të kryejnë një mision të guximshëm: nisjen e dronëve mbi Rusi dhe hedhjen e minave në rrugët kyçe brenda territorit të armikut. Muzgu ofron një mundësi për të vendosur pajisje të reja dhe për të shkarkuar Humveen e tyre përpara se errësira ti bëjë të pamundura këto detyra komplekse. Ata vetëm mund të shpresojnë se drita gri dhe e zbehtë do t'i mbrojë nga vala e pafundme e dronëve rusë që fluturojnë lart, duke kërkuar diçka për të goditur. Një antenë satelitore Starlink, një antenë me rreze më të gjatë veprimi për dronët, dhjetëra pako bateri dhe dy dronë të mëdhenj "Vampire" hidhen në llogore dhe bëhen gati për përdorim brenda 30 minutave. Puna e tyre mund të nisë vetëm kur të ketë rënë errësira e plotë. Ndërkohë kërcënimi është i përhershëm. Para se dy operatorët, Andrei dhe Artem, të dalin nga bunkeri për të nisur punën, një zhurmë i kthen pas ata me nxitim.