Nëntë vende evropiane dhe Ukraina ka vendosur që të formojnë koalicion kundër raketave balistike për të mbrojtur kontinentin. Vendimi erdhi pas një kërcënimi në rritje të raketave balistike, ndërsa përmes një deklarate u bë e ditur pas samitit të koalicionit të Vullnetmirëve se kjo do të shërbejë si një mënyrë mbrojtëse. "Ne besojmë se mbrojtja e Evropës kërkon një zgjidhje globale të arkitekturës së integruar të mbrojtjes nga raketat për të penguar dhe mposhtur kërcënimet e ardhshme nga raketat", thuhet në një deklaratë të përbashkët nga Danimarka, Franca, Gjermania, Italia, Holanda, Norvegjia, Spanja, Suedia, Ukraina dhe Mbretëria e Bashkuar. “Përballë kërcënimit balistik, ne po bëjmë një zgjedhje të qartë: të mbrojmë Ukrainën, të forcojmë sigurinë tonë kolektive dhe të ndërtojmë Evropën e mbrojtjes”, shkroi Presidenti i Francës, Emmanuel Macron, në X. Deklarata vjen në margjinat e "Koalicionit të të Vullnetshmëve", me të paktën 25 krerë shtetesh ose qeverish që I janë bashkuar takimit në Paris për të diskutuar mbështetjen për Ukrainën dhe rritjen e presionit ndaj Rusisë. Përpara takimit, Presidenti ukrainas Volodymyr Zelenskyy u takua me Macronin, ku tha se të dy “folën në detaje rreth situatës në front dhe nevojave të Ukrainës për të mbrojtur njerëzit nga sulmet ruse”.