Top News-Klani i “El Chapo” bën masakër në burg/Vriten 11 të dënuar, përleshjet zhvendosen në qytet

Nuk ka të ndalur lufta mes klaneve rivale të drogës në Meksikë që çdo vit shkakton me mijëra viktima. 11 të dënuar humbën jetën në përplasjen më të fundit mes dy karteleve kësaj here në ambientet e brendshme të një burgu. Autoritetet vendase raportojnë se anëtarët e bandës së El Chapos u konliktuan me një grup të quajtur Los Mexicles, ku sherri degradoi në përdorimin e armëve të ftohta. Një gjë të tillë e konfirmoi edhe presidenti i vendit Andres Manuel Lopez Obrador, ku në një konferencë të përbashkët me zëvëndësministrin e sigurisë Ricardo Mejia dha detaje nga ngjarja e rëndë.