Një video 22 sekondëshe e dy avionëve F-16 Fighting Falcon, që fluturojnë vetëm disa centimetra larg njeri tjetrit, po shkakton bujë në mediat sociale. Në të shihen pilotët e air Forcë Thunderbirds, që demonstrojnë se sa pranë ata mund të shkojnë gjatë stërvitjeve ajrore. Piloti i shfaqur në video shihet aq pranë avionit tjetër sa që mund të zgjatet jashtë dhe ta prekë atë. E vetmja zhurmë që dëgjohet ndërkohë, është oshëtima e motorëve. “Avionët tanë mund të qëndrojnë vetëm 40 centimetra larg njëri tjetrit ndërsa fluturojmë me shpejtësi 650 km në orë” shkruante ekipi në Facebook. Nga 6 dhjetori, kur videoja është hedhur në facebook, ka marrë më shumë se 1.4 milionë shikime dhe mbi 33 mijë reagime e komente. “Kjo është një cmenduri”, shkruante një komentues në faqen e Facebookut. Zyrtarët nuk thanë se ku ishte filmuar videoja, por qartazi dukej se në sfond ishte një fushë e hapur ajrore. Ekipi prej tetë pilotësh performon në të gjithë vendin, rregullisht, duke shpalosur aftësitë elitë që pilotët kanë. “Thunderbirds janë pjesë e forcave tona luftarake”, thonë Forcat Ajrore amerikane. Nëse nevojitet, personeli i ekipit dhe avionët mund të integrohen shpejht në një njësi luftarake.