Motra e 16-vjeçares shqiptare, e cila u gjet e vdekur një ditë më parë në derën e Kishës ka dhënë detaje, lidhur me ngjarjen tragjike. Mediat greke shkruajnë se motra e adoleshentes, binjake, ka bërë me dije se e mitura herën e fundit që kishte dalë nga shtëpia, kishte thënë se do të takohej me një djalë, me të cilin ishte njohur kohët e fundit. Sipas dëshmisë së motrës së 16-vjeçares, bëhet fjalë për një efektiv policie, që është një djalë i moshës 26-vjeçare. Trupi i adoleshentes shqiptare u gjet i pajetë jashtë një kishe në kodrën e Profitis Ilias në Trikala, një ditë më parë. Ngjarja e rëndë tronditi opinionin publik. Sipas informacioneve paraprake viktima ka patur goditje me mjete te forta ne trup dhe ne koke. Sipas burimeve policore po shqyrtohen te gjitha pistat dhe kryesisht ajo e nje akti kriminal. Thuhet madje se para disa ditesh 16 vjecarja kishte paditur shokun e saj se kishte ushtruar dhune mbi te. Policia nderkohe është në kërkim të provave të mundshme, shenjave të gishtave dhe materialit gjenetik qe do te cojne ne zbulimin e autorit.