Kina raporton 101 raste të reja të koronavirusit të mërkurën, shifra më e lartë ditore në plot tre muaj në një kohë kur palestrat, baret dhe muzetë janë mbyllur në ato që konsiderohen si vatra të reja të infektimeve. Nga rastet e reja, 98 janë infektime të brendshme, pjesa më e madhe në rajonin veri perëndimor të Xinjangut, ku një vatër që vazhdon të zgjerohet u zbulua më herët këtë muaj dhe nxiti testime masive dhe kufizime. Kina, vendi nga ku pandemia globale u nis, i kishte vënë transmetimet e brendshme nën kontroll përmes izolimeve të shënjestruara, kufizimeve të udhëtimit dhe testimeve. Por, shpërthime sporaduike rajonale kanë treguar vështirësinë e mbajtjes nën kontroll të virusit. Hera e fundit kur u regjistrua një numër i tillë rastesh, ishte 13 prilli, kur 108 infektime u konfirmuan, pjesa më e madhe e tyre të importuara. Autoritetet kanë përqendruar vëmendjen e tyre tani në një vatër që u shfaq javën e shkuar, në një impiant përpunimi ushqimesh në dalian, në provincën e Liaoning. Në total, 84060 persona janë infektuar me koronavirus në kinë, nga të cilët, 482 mbeten në spital. Numri i viktimave, sipas të dhënave zyrtare, është 4634.